【桿麵棍選購要決】
桿麵棍係製作麵包,餅乾嘅時候可以話係不可或缺嘅小工具 用啱工具可以令你係烘焙上事半功倍,所以要點挑選適合嘅桿麵棍可以話係烘焙中非常重要嘅一環!
小編今日幫大家整合左幾項選購要點 分為 材質,用途,長度,重量四大點,逐步帶你篩選出最適合自己嘅桿麵棍
// 材質 Material //
木材
價格平,易上手
但容易黏麵糰,使用時必須灑手粉
塑膠
比木材價格貴 容易清潔
使用時會較滑,唔適合用於太油嘅麵糰
金屬
分為不鏽鋼同鋁合金兩種
表面冰涼可以降低麵糰溫度,如使用前先放入冷藏室效果更佳
矽膠
有好多種顏色可揀
唔容易黏麵糰,容易清洗
大理石
價格比較高昂,但勝在高顏值
表面冰涼可降麵糰溫度
重量較重 可以幫助麵糰將空氣排出
材質嘅選擇取決於桿麵棍嘅重量同清潔方式。木材雖然係最常見嘅材質 但因為容易黏麵糰同發霉,所以係清潔同保養上要更費心力
// 用途 Usage //
棒狀
新手烘焙入門款
可廣泛用於各類麵糰,亦能夠針對細部調整力道
顆粒型
幫助麵糰排氣
表面凹凸嘅特殊設計,可以擠出麵糰中嘅空氣,充分均勻延展麵糰 但也因此會係麵糰上留低痕跡,所以較適合製作麵包類
雙手柄
輕鬆擀製費力麵團
受力均勻,省力,適合擀較唔易塑型/需反覆擀壓延展嘅麵糰
適合用於饅頭,麵包,可頌,千層酥等
調節式
厚薄均勻神器
兩端刻度可調整桿麵棍嘅高度,可依所需自由調整出想要嘅厚度
操作上更容易整出均勻嘅厚度
適合用於餅乾,派皮,塔皮等
雙頭式
小細節唔放過
特殊雙頭設計,大細兩種滾輪一體令使用範圍更廣
小滾輪可用於擀平塔皮內部/較難擀平嘅邊角
大滾輪可用於擀勻餃子皮
單手柄
屬於中式嘅桿麵棍
特殊單手柄設計 可以令漢餅師傅係製作糕餅時一手包辦
亦有便於製作餃子皮等
// 長度 Length //
建議新手選擇長度介乎30~40cm比較適當 若要做麵條類需要高度伸展嘅麵糰時可以選擇60cm以上 選擇之前應將料理枱長度放入參考中 以免桿麵棍超過枱嘅長度導致難以施力
//重量 Weight //
桿麵棍唔係越輕越好 若重量太輕反而會令你係擀麵糰時需要施加更多力氣,所以應該根據需求去揀選適合自己嘅桿麵棍