市面上咁多款鮮奶油點揀好? 鮮奶油罐身上標示嘅%又代表咩?
今日小編帶大家認識鮮奶油嘅各種%數,同搵出鮮奶油人氣Top5比大家參考下啦 ^W^ 仲會詳細教你點保存鮮奶油~
// 鮮奶油嘅%代表咩? //
係揀鮮奶油時,你有冇留意過包裝上嘅%數呢? 其實係指呢罐鮮奶油嘅乳脂含量有幾%
依照乳脂肪含量嘅不同,可大致分為淡鮮奶油,一般鮮奶油同重鮮奶油
~淡鮮奶油 Light Cream /乳脂含量12%~30%~
又被稱為「枱上鮮奶油」/「咖啡專用奶油」,主要用作於咖啡,飲品或醬料,濃湯中,算係比較日常用嘅鮮奶油
乳脂含量低,所以唔太適合打發用
~一般鮮奶油 Whipping Cream /乳脂含量35%~
我地成日用嚟打發用嘅鮮奶油,如果鮮奶油要打發成型,乳脂含量至少要30%以上,而製作甜品類通常會揀35%以上,打出嚟嘅鮮奶油先會有空氣感
主要用於蛋糕內餡,濃湯,醬料,奶蓋
~重鮮奶油 Heavy Whipping Cream/乳脂含量36%以上~
呢種高脂肪嘅鮮奶油係日本較為常見,製作出嚟嘅奶油餡 味道濃郁,打發後嘅鮮奶油定型能強
適合用於錶花裝飾,蛋糕內餡,雪糕,濃湯
乳脂含量越高,鮮奶油越濃稠,味道越醇厚,亦越容易打發,但唔同 % 嘅鮮奶油都有各自適合嘅用途,所以唔係乳脂含量越高就越好。 主要都係根據用途嚟做選擇。
// 鮮奶油人氣Top5 //
Top 1 藍風車 動物性鮮奶油(乳脂含量38%)
常見鮮奶油中乳脂含量最高&冇添加物
口感:香醇濃厚 略帶甜味
Top 2 ISIGNY 動物性鮮奶油(乳脂含量35.1%)
法國AOP特定優質產地認證
口感:細膩順滑,乳香味濃郁
Top 3 Elle&Vire 動物性鮮奶油(乳脂含量35.1%)
烘焙新手容易上手
口感:奶香味適中,清爽口感醇厚唔膩
Top 4 總統牌 動物性鮮奶油(乳脂含量35.1%)
比起其他奶油較難打發
口感:奶香味適中,口感馥郁
Top 5 Payson 動物性鮮奶油(乳脂含量35%)
產自家族世代傳承牧場
口感:清爽唔油膩,乳香宜人
// 點樣保存鮮奶油? //
建議放置冷藏室保存,冷凍會造成油水分離
另外,冰箱嘅出風口同開門處溫度會比較唔穩定,所以將鮮奶油放置係靠內/中間嘅位置更能保障鮮奶油嘅品質
// 已開封嘅鮮奶油保存步驟 //
已倒出嘅鮮奶油唔可以倒翻入去 以免污染內部
STEP 1 係廚房紙上噴上食用級酒精 擦拭鮮奶油開口處
STEP 2 將內部空氣擠壓出嚟
STEP 3 用廚房紙/錫蓋住開口處,用長尾夾夾住
STEP 4 用保鮮紙封住,放入冷藏室即可