【燕麥奶大拆解】
燕麥奶近年黎引起一股新潮,到底燕麥奶係咩?
營養更好更健康? 燕麥奶有咩好?
燕麥奶可以幫助減肥? 今日等小編話你知!
【燕麥奶嘅成分】
主原料: 水、燕麥
副原料: 為調整口感同強化營養成分, 如: 菜籽油、 碳酸鈣或磷酸鈣、 維生素、 蔗糖或果糖糖漿、 結蘭膠 (增稠劑) 菊苣纖維等等
燕麥奶主要係由燕麥做成嘅富含碳水化合物,係營養學上係屬於全穀雜糧類 =飯/麵同一類,並唔係堅果類、亦唔係奶類、 亦唔包含任何牛奶成份。
~燕麥奶係全穀雜糧類 (澱粉類) 、牛奶係乳品類 所以兩者無法互相取代~
【燕麥奶好處多多?】
① 乳糖不耐症可以飲!
燕麥奶雖然有個奶字,但佢並唔係乳品類
乳糖不耐症/對牛奶過敏嘅人都可以飲。亦因為高比例嘅亞洲人患有乳糖不耐症,所以近年黎植物奶成為亞洲人嘅選擇。
②無動物奶
燕麥奶不含由乳牛所分泌產生嘅牛奶,所以好啱素食者飲用,而且近年黎牛奶嘅選擇上,大眾都越來越重視牧場嘅環境、乳源是否單一同動物是否有受到妥善對待等動物福利議題,所以無動物產生嘅燕麥奶自然就成為左動保人士嘅選擇之一。
③燕麥奶整麵包好適合,成為烘焙新寵
燕麥奶可以以1:1替代牛奶,做成嘅麵包除左保持有濕潤柔軟嘅特色之外,仲多左天然嘅燕麥香氣,深受麵包控喜愛。
④對牛奶、堅果/黃豆過敏可以試下燕麥奶
如果對牛奶、堅果/黃豆過敏,一般生活中係唔可以接觸牛奶、堅果奶同豆漿,但如果無麩質過敏,其實可以用燕麥奶做為以上飲品嘅替代。
⑤無膽固醇、 脂肪同飽和脂肪含量較少
燕麥奶適合有膽固醇問題或擔心膽固醇嘅人 (不過有啲燕麥奶會加菜籽油, 整體脂肪量只係比牛奶少啲啲)
⑥含膳食纖維
適合忙碌又想增加膳食纖維攝取嘅人 燕麥奶含有少量β聚葡萄糖 (B-glucan) 同纖維 對於想控制膽固醇或顧腸胃道嘅人有所幫助
⑦低脂燕麥奶–減肥恩物
如果選擇低脂燕麥奶,每100毫升嘅熱量係降低到37 (kcal),且係脂肪同糖嘅含量更係大大減少,啱曬想減肥嘅你~
【燕麥奶推薦】
Oatly
係Starbucks常用品牌,係香港都成日見到Oatly嘅蹤跡。
製造地:瑞典、德國同荷蘭廠。
保存方式:未開封時放陰涼乾燥處,開瓶後需冷藏並於7天內飲用完畢。
口味:原味燕麥奶、咖啡師燕麥奶同巧克力燕麥奶。