【點樣清潔焗爐頑固污漬?】
清潔焗爐最好嘅方法 梗係每次用完待降溫後清潔 ,先用濕抹布擦拭內部 再用乾抹布擦乾。
*要注意烤箱門通常是玻璃材質,劇烈冷熱交替容易讓玻璃產生裂痕 所以一定要等降溫再擦!*
但就算每次用完即刻清潔 都總係會出現啲好難處理嘅黑色硬塊油污。 對於呢種油污嘅清潔方法有好多種,其中大多數都係化學方法,而最常見嘅就係用蘇打粉。相對於其他化學品,蘇打粉刺激性小,係好好嘅天然去污劑。
今日小編教大家簡單幾步就可以消除焗爐嘅頑固污漬!有興趣嘅 就睇落去啦!
目標同原理:
皂化反應 :目標係利用鹼性物質可以「皂化」油脂嘅化學反應,利用蘇打粉嘅弱鹼性「皂化」 濃稠油垢, 然後用水帶走。
糊狀小蘇打: 由於弱鹼皂化需要好長嘅反應時間同足夠濃度,所以要將蘇打粉打成糊/膏狀敷係髒污處,靜置8個鐘以上再清除。
材料準備:
-蘇打粉
– 水
– 海綿擦
– 白醋
– 橡膠手套
– 刮鏟
視污垢程度決定放置時間,至少一個鐘,如果中途變乾/變硬 可以適量噴水令蘇打粉繼續作用。
步驟2:
靜置後,用濕布抹走。用溫水打濕抹布,然後用力擦洗以便儘可能擦去蘇打糊
步驟3:
係焗爐內部噴醋。將白醋倒入噴霧瓶中,噴係殘留物上。
醋可以令蘇打粉起泡,再抹一次焗爐。用濕抹布擦拭起泡地方。
如果仲有殘留,就再噴多啲醋,重新抹一次,直至徹底乾淨。