市面上除左常見嘅不鏽鋼打蛋器外 仲有矽膠材質!咁我地應該揀邊款好? 睇落去等小編話你知!
首先,我地要搞清楚手動打蛋器同電動打蛋器嘅用途
手動打蛋器:多數用於打散、 攪拌或微打發食材 , 例如打散雞蛋、 混料食材或打發奶油。
電動打蛋器:如果你要做乳沫類蛋糕(戚風、海綿) 需要打發蛋白或者打發鮮奶油黎做裝飾/內餡嘅話 一定要用電動攪拌機 如果唔係 打到聽朝都未打好!
【不鏽鋼打蛋器特質】
特性:
材質堅硬,可以處理偏硬嘅食材,可以一邊碾壓一邊混合
彈性好、唔易變形、耐用
缺點:
重量重,增加手持負擔
容易刮花攪拌容器
【矽膠打蛋器特質】
特性:
材質柔軟,唔會刮花容器
顔色多、重量輕、低噪音
缺點:
打發效果較唔明顯 用耐左會變形
// 另類材質 //
不鏽鋼材質嘅攪拌絲 ,外層包住一層矽膠 。可以增加耐用性 ,但用耐左會出現矽膠剝落嘅問題。
【揀打蛋器嘅要訣】
// 器具大小均衡 // 打蛋器如果太大/太細, 攪拌嘅時候會減少浸係液體裡面嘅比例,令空氣打唔到入去。
// 適當器具大小 // 鋼盆嘅口徑:打蛋器全長 =1:1~1:15
雞蛋嘅用量都會影響打發效率,如果鋼盆太大 ,蛋量太少 , 得打蛋器的嘅尖端浸泡係蛋液裡面,咁樣好難打發。